Әлем 17.08.2020 сағат 09:20

Өзбек үкіметі студенттердің талабын тыңдап, оқу бағасын арзандатты

Үкімет мәліметінше, студенттерге берілетін қаржылай көмектің мөлшері 4 миллион сум (400 доллар) шамасында.
Өзбек үкіметі студенттердің талабын тыңдап, оқу бағасын арзандатты
фото: pixabay.com
Бөлісу
Бөлісу
Бөлісу

Өзбекстанның жоғары және орта білім беру министрлігі мен қаржы министрлігі студенттер наразылығынан кейін күндізгі бөлімде оқитындардың оқу ақысын 10 процентке түсіру туралы шешім қабылдады, деп хабарлайды Сentralasian.org.

Бұдан бөлек әке-шешесі жоқ, мүмкіндігі шектеулі жастарға және тұрмысы төмен отбасынан шыққан студенттерге қаржылай көмек көрсетілетін болады.

Үкімет мәліметінше, студенттерге берілетін қаржылай көмектің мөлшері 4 миллион сум (400 доллар) шамасында.

Коронавирус пандемиясы тұсында өзбек студенттері Telegram платформа арқылы бірігіп, үкіметтен оқу ақысын түсіруді талап еткен.

Атап айтқанда "Ёшларни қўллаб- қувватлаш" Telegram-каналында 120 мыңға жуық студент сауалнамаға қатысып, олардың 91 пайызы жаңа оқу жылында жоғары оқу орындары оқу ақысын түсірсін деген талап қойған.

Өткен аптада 25 жастағы Исламбек Пулатов Азаттықтың өзбек қызметі арқылы Өзбекстан үкіметіне видео үндеу жасаған. Ол елдің жоғары және орта білім беру министрі Иномжон Мажидовтың отставкаға кетуін талап еткен.

Өзбекстанда жоғары оқу орнында сабақ 2 қыркүйектен басталады. Студенттер әзірге онлайн режимде оқиды. Ал бірінші курс студенттері үшін сабақ 1 қазанда басталады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар