$ 449.58  486.94  4.86

23 мемлекет пен ДДСҰ пандемия жөнінде келісім жасау ұсынысын қолдады

Енді болашақ ұрпағымызды пандемиядан қорғап қалу үшін бірігетін кез келді.

23 мемлекеттің басшысы және Дүниежүзілік денсаулық сақтау ұйымы болашақта болуы мүмкін төтенше жағдайлардан сақтану үшін пандемия жөнінде келісім жасау ұсынысын қолдады, деп хабарлайды «Хабар 24». 

Бұл шарттың мақсаты – хабарландыру жүйелері, ақпарат пен зерттеулермен алмасуды және вакциналар мен дәрі-дәрмек өндірісін жақсарту арқылы әлемнің осындай дағдарыстарға қарсы тұрақтылығын нығайту. 

«Келесі індетке дайындықтың жоспарын әзірлеуге кірісу үшін пандемияның аяқталуын күтуге болмайды. Келісім COVID-19 көрсеткен кемшіліктерімізді жойып, денсаулық сақтаудың халықаралық ережелерінің орындалуын нығайтып, пандемияның алдын алу мен тиісті шараларды қабылдау бойынша ынтымақтастықты қамтамасыз етеді», - деді ДДСҰ бас директоры Тедрос Адханом Гебрейесус.

«COVID-19 осал тұстарымыз бен қайшылықтарымызды анықтап берді. Енді болашақ ұрпағымызды пандемиядан қорғап қалу үшін бірігетін кез келді. Бұл үшін Екінші дүниежүзілік соғыстан кейінгідей саяси еркімізді нақты іс-қимылға айналдыруға тиіспіз», - деді Еуропалық кеңес президенті Шарль Мишель.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары