Танзанияда жолаушылар ұшағы көлге құлады

Жергілікті билік өкілдері мәлім еткендей, бортта болған 43 адамның 26-сы құтқарылған.

Танзанияда жолаушылар ұшағы көлге құлады, оның бортында 43 адам болған, деп хабарлайды ҚазАқпарат.

Жергілікті полиция таратқан мәліметке сәйкес, Танзанияның солтүстік-батысындағы Букоба қаласының әуежайына қонуға бағыт алған ұшақ Виктория көліне құлаған. Апатқа ауа райының қолайсыздығы себеп болған деп хабарланды.

Жолаушылар ұшағы Дар-эс-Салам қаласынан ұшып келе жатқан. Жергілікті билік өкілдері мәлім еткендей, бортта болған 43 адамның 26-сы құтқарылған. Іздестіру-құтқару жұмыстары аяқталған жоқ.

Сондай-ақ, Кагера аймағының бас дәрігері Исесанда Каникидің айтуынша, апаттан 3 адам қайтыс болған.

THREE DEAD IN PLANE CRASH

Kagera chief regional medical officer, Isesanda Kaniki, confirms 3 fatalities in the Precision Air which plunged into Lake Victoria. Among those dead are 2 men, and 1 woman. Those rescued so far are 26 (17 men, 9 women) out of 43 who were on board. pic.twitter.com/iSwQYtgCRY
— TheCitizenTz (@TheCitizenTz) November 6, 2022