Әлемдегі ең бай 500 адамның қатарында қазақстандықтар жоқ

Рейтингтің көшін бұрынғыша Microsoft корпорациясының қожайыны Билл Гейтс бастап тұр. Оның жиған дәулеті 85,6 млрд долларға пара-пар. Екінші орында тағы бір америкалық миллиардер - Уоррен Баффет. 86 жастағы кәсіпкер бүгінге дейін 78,9 млрд доллар жинапты. Ал, үздік үштікті 73,5 млрд доллармен Amazon компаниясының басшысы Джефф Безос қорытындылап тұр.

Ең дәулетті он адамның тізімі төмендегідей:

Амансио Ортега, испан модельері – 69,3 млрд доллар,
Марк Цукерберг, Facebook әлеуметтік желісінің негізін қалаушы – 59,1 млрд доллар,
Карлос Слим, мексикалық кәсіпкер – 53 млрд долларов,
Ағайынды Чарльз бен Дэвид Кох, америкалық кәсіпкерлер – әрқайсысында 48,1 млрд доллар,
Ларри Эллисон, Oracle корпорациясының басшысы – 45,3 млрд долларов,
Ингвар Кампрад, IKEA компаниясының негізін қалаушы – 42,9 млрд долларов.

Тізімнің ең соңғы 500-ші орнында саудиялық банкир Сүлеймен әл-Раджи, оның жиған дәулеті 3,61 млрд долларға тең. Ал, Қазақстанның ең бай кәсіпкері Болат Өтемұратов 2,4 млрд доллармен (2016 ж) бұл тізімге енбей қалды.