22.02.2018, 15:57

Нұрлан Қоянбаев «Түнгі студиядан» және QAZAQSTAN арнасынан біржола кетті

Танымал әзілкеш, КВН жұлдызы Нұрлан Қоянбаев бұдан былай «Түнгі студия» бағдарламасын жүргізбейді. Бұл ақпаратты QAZAQSTAN РТРК басқарма төрағасы Ерлан Қарин Tengrinews.kz порталына растады.

«Біз қазір 1 наурызда басталатын жаңа маусымға дайындалып жатырмыз. Бағдарламалардың біразы жаңартылған форматта шығады. Мәселен, "Түнгі студия" жобасында жаңа жүргізуші болады. Бұл аяқасты қабылданған шешім емес. Нұрлан Қоянбаев өзінің шығармашылығымен айналысамын деп шешті. Біз мұны 2017 жылдың жазында талқылаған болатынбыз, ол телеарнадан уақытша кететінін айтты. Сол кезде біз Қоянбаев "Түнгі студияны" жыл соңына дейін жүргізіп береді деп келістік. Енді аталған тележоба жаңа форматта шығады», - деді Ерлан Қарин.

Оның айтуынша, «Түнгі студияның» жаңартылған нұсқасы көрермендерге ұнауы тиіс. Ал, оның жаңа жүргізушісінің есімі жақын уақытта белгілі болады.

Ерлан Қарин сондай-ақ, Қоянбаевтың телеарнадағы қызметінен де кеткенін мәлімдеді. QAZAQSTAN арнасында ол бас продюсер лауазымын атқарып келген болатын.

Telegram-каналға жазылып, бәрінен хабардар болыңыз!

Тағы да оқыңыздар:
Загрузка...
SN туралы      Жарнама

      info.skifnews@gmail.com

«SN.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.

   

Skifnews жаңалықтарын Facebook-те
оқу үшін "Нравится" белгісін басыңыз

  

 

©2016-2018 Skifnews.kz. Авторлық және жарнама құқықтар толығымен сақталады.