Қоғам 16.03.2017 сағат 11:18

Көкшетауда танымал спортшыны өлтірді деген күдікпен 5 студент ұсталды

Көкшетауда танымал спортшы, пауэрлифтингтен әлем чемпионы Евгений Галузинскийдің өліміне қатысты күдіктілердің үстерінен бұзақылық бойынша қылмыстық іс қозғалды деп жазады «ҚазАқпарат» облыстық ІІД баспасөз қызметіне сілтеме жасап.

Бөлісу
Бөлісу
Бөлісу

Еске салай кетейік, осыған дейін танымал спортшы пауэрлифтингтен әлем чемпионы Евгений Галузинскийдің бұзақылардың қолынан қаза болғаны туралы жариялаған болатынбыз. Полицейлердің мәліметі бойынша қайғылы оқиға  ағымдағы жылдың 14 наурызында түнгі уақыт 03:00 дерде Көкшетау қаласындағы автоқалашық шағынауданында орын алған.

Досымен бірге үйіне бара жатқан 25 жастағы спортшыны бір топ жас жігіттер тоқтатады. Араққа сылқия тойып алған жігіттермен бірден сөзге келіп қалған олардың арасында төбелес шығады. Алты адамнан тұратын бұзақылар Евгений мен оның досын соққыға жығады.  Досы қаскөйлерден сытылып шығып, сол маңдағы «Рома» дүкеніне көмек шақыруға жүгіреді. Осы кезде бұзақылардың бірі спортшыға бірнеше жерден пышақ сұғып үлгереді. Алған ауыр жарақаттан Евгений көп ұзамай  көз жұмған.

Оқиға орнына дереу жеткен полицейлер аталған дүкендегі бейне жазбаны тексеріп, көп ұзатпай күдіктелерді қолға түсіреді. Күдіктілер 1997-1999 жылғы студенттер. Оның арасында 1999 жылғы күдікті  қылмысын мойнына алып, үстінен ҚР ҚК 99 бабының 1 бөлімі бойынша  (адам өлтіру) сотқа дейінгі іс қозғалды. Ал, қалған күдіктілерге қатысты келіп, тіркеліп отыру шарасы қолданылып, ҚР ҚК 293  бабының 2 бөлімі бойынша сотқа дейінгі іс жүргізілуде.  

Евгений Галузинский пауэрлифтингтен балғындар арасында əлем чемпионы, жастар арасында əлем чемпионатының жүлдегері, ҚР бірнеше дүркін чемпионы. 2009 жылы Бразилияда пауэрлифтингтен IPF нұсқасы бойынша төрт мəрте əлем рекордтын жаңартты.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар