$ 446.49 € 475.38 ₽ 4.79
Шымкентте 25 жастағы әйел өзіне қол жұмсады. Қайғылы оқиға 29 наурызға қараған түні 16-шағынаудандағы көпқабатты үйлердің бірінде орын алған. Марқұмның артында үш баласы мен күйеуі қалды деп жазады Otyrar.kz.
Жас әйел бұл күні өзінің ата-анасының үйіне қонаққа келген екен. Өз отбасының үйі қаланың өзге ауданында орналасқан.
Туған-туыстарының айтуынша, кеше түнгі уақытта дүкенге бармақ болып үйден шыққан әйел сол күйі оралмаған. Жамандықты іштері сезген туыстары іздеуге шыққанда оның асылып қалған мәйітін дәл подъезден тауып алыпты. Марқұм 5-ші қабаттағы шатырға шығатын сатыға жіп орап өзіне қол салған екен.
Оқиға орнына келген дәрігерлер оның қайтыс болғанын тіркеуден басқа ешнәрсеге үлгере алған жоқ. Сондай-ақ, криминалды полиция қызметкерлері де оқиға болған жерде тексеру жұмыстарын жүргізді.
Әйелдің 26 жастағы күйеуі мен үш баласы болған. Оның не себепті мұндай қадамға барғаны ізірге белгісіз. Отбасындағы қарым-қатынас туралы да туыстары тіс жарған жоқ.
