Алматыда «Қазақстанның үздік әлеуметтік жобалары» байқауының жеңімпаздары анықталды

Жоба аясында ата-анасының қамқорлығынан айырылған және науқас балаларға көмектескен қоғамдық ұйымдардың еңбегі ескеріліп, қаржылай сыйлықпен марапатталды. Мәселен, бірінші орынға 1 миллион теңге ақшалай сыйақы берілсе, екінші орынға 700 мың, үшінші орынға 500 мың теңге табыс етілді. 

Шараның бастамашысы болған «Нұр Отан» партиясының өкілдері үкіметтік емес ұйымдардың жұмысын жетілдіру арқылы азаматтық қоғамды дамыту қаланың әлеуметтік жағдайының көтерілуіне ықпал ететіндігін айтты.

Байқаудың басты мақсаты әлеуметтік бас­тамашыл жобаларды қолдау, өзекті әлеу­меттік мәселелерді шешуге, өмірде қиын­дыққа тап болған жандардың тұр­мы­сын оңалтуға бағытталғанын ескерсек, бұл тұр­ғыда алматылық жаңашыл аза­маттар кө­терген мәселелері өзгелерге өнеге болар­лық.

Жеңімпаз атанудан үміткерлер ара­сын­да үкіметтік емес және мүгедектер ұйым­дары, тұрғындардың әлемуеттік мәсе­лелерін шешуге бағытталған жемісті жұмыстарымен көзге түскен өзге де құры­лымдар болды.

– Әлуметтік жобалар бойынша жұмыс іс­тейтін кәсіпкерліктің өзі белгілі бір деңгейге көтерілді. Олар тек қана қажетті қаражат табудың жолын үкіметтен күтіп қана қоймай, өз беттерінше де қаржы­ландырудың барлық жолын қарастыруда. Байқауға келіп түскен жобаларды керемет дүниелер қатарына қосуға болады. Мысалы, ертерек жүйке ауытқуы бар адамдарды қамап ұстайтын. Қазір науқас­тар­ға көзқарас өзгерді, олар оңалтудан кейін елге қызмет ететін деңгейге жетті. Бұл жаңа жобалардың арқасында іске ас­ты. Демек, біз болашақта да әлеуметтік жо­ба­ларды дамытуымыз керек. Осылайша, жақ­сылық жасаудың алғышарттарын қа­лыптастырамыз. Биыл «Қазақстанның үздік әлеуметтік жобалары» республикалық байқауының өңірлік сынағына 18 жоба ұсынылса, ке­ле­сі жылы бұл көрсеткіш еселеп арта­тын­ды­ғы даусыз. Алматы – ең белсенді қала. Жоба­лары­мыз бес жылдан бері бірінші орынды бер­мей келеді. Кез келген жоба автор үшін өз ба­ласы секілді. Олар жобаларын мем­ле­кет­ке көрсетіп қана қоймай, бұл модельдері ар­қылы қоғамды ілгерілетуге күш салады. Айталық, маған радиожоба өте ұнады. Ұжым­да түгел кемтар жандар жұмыс іс­тей­ді. Бірақ радио тыңдаушылары бұл мә­селе­ден хабардар болмауы мүмкін. Міне, жаңа­лықтың шынайы көрінісі осында болып тұр. Алдыңғы жылы бір азамат мүгедектерге арналған жобасымен қатысты. Ол пан­тустарды жиналмалы етіп жасаған. Кәдімге ғимарат қабырғасына жабысып тұратын құрал ешкімге кедергі келтірмейді. Осы секілді жағымды жаңалықтар биылғы байқауда да баршылық, – дейді «Нұр Отан» партиясы Алматы қалалық филиалы төрағасының бірінші орынбасары Жұлдыз Омарбекова.

Мемлекетте қандай ілгерлеу болса да, сол қоғамда көмек пен қолдауды қажет ететін азаматтар болады. Азаматтық салада қандай өзгерістер болып жатқаны қазақстандықтардың көз алдында. Жаңа ұйымдар құрылуда. Жаңа жұмыс орын­дарының ашылуына да мұрындық болып жатқан солар. Бәрінің мақсат-мүддесі – тұрғындарының әлеуметтік жағдайларын жақсарту.