Қоғам 17.04.2019 сағат 05:51

Елімізде 15 мыңнан астам ұстазға 176,2 млн теңге төленді

Қазақстанның Бас прокуратурасының қадағалау актілерін қарау нәтижесі бойынша заң бұзушылықтар жойылып, 15 мыңнан астам ұстазға 176, 2 млн. теңге төленді, деп хабарлайды ведомствоның баспасөз қызметі.

Елімізде 15 мыңнан астам ұстазға 176,2 млн теңге төленді
Бөлісу
Бөлісу
Бөлісу

Бас прокуратураның мәліметінше, прокуратура органдары жалпы білім беретін мекемелер қызметкерлерінің еңбек құқықтарының сақталуын талдау барысында еліміз бойынша 15 305 педагогқа 2016-2018 жылдардағы оқу кезеңінде инклюзивті білім беру шеңберінде ерекше білім берілуіне қажеттілігі бар балалармен жұмыс істегені үшін үстемеақы төленбей келгенін анықтады.

Өз кезегінде көрсетілген жұмыс жағдайы үшін қолданыстағы заңнамада педагогтарға  жалақыдан 40% мөлшерінде үстемеақы көзделген («Мемлекеттік бюджет қаражаты есебінен ұсталатын ұйымдардың қызметкерлеріне еңбекақы төлеу жүйесі туралы» Үкіметтің 31.12.2015 жылғы № 1193 қаулысы, «Білім туралы» Заңның 52-бабының 4-тармағы).

«Прокурорлық қадағалау актілерін қарау нәтижесі бойынша заң бұзушылықтар жойылып, жоғарыда көрсетілген қызметкерлерге 176, 2 млн. теңге мөлшерінде төлемдер жүзеге асырылды»,-делінген хабарламада.

Оқи отырыңыз

загрузка...

Соңғы жаңалықтар

Қызықты материалдар