$ 443.37 € 474.49 ₽ 4.83
19 жастағы қаскөй мектепте қырғын салмас бұрын күнде екі сағат компьютер ойынында уақытын өткізген. Ойындағы әр түрлі заттарды сату арқылы 50 мың рубль табыс тауып, оны Hatsan ESCORT мылтығы мен 500 патрон сатып алуға жұмсағаны мүмкін дейді тергеушілер. Бұл туралв stan.kz хабарлады.
Бұған дейін Ильназ Галявиев соңғы жарты жылда қатты өзгеріп кеткенін ол оқыған колледж ректоры айтқан еді. Ол колледждің белсенді студенттерінің бірі, волонтер болған. Алайда осыдан алты ай бұрын студенттің мәнез-құлқы күрт өзгеріп кетіпті. Жаңа жылдан кейін ол мүлдем сабаққа келмеген.
Ректор Галявиевтің қатардағы қарапайым студент болғанын айтады. Ол студенттерден ерекшеленіп көрген емес, барлығы секілді сабаққа уақытылы келіп, білім алып жүрген дейді олар.
Айта кетсек, 19 жастағы Ильназ Галявиев Қазандағы мектеп-гимназиясына қарумен келіп, шабуыл жасаған. Нәтижесінде жеті оқушы мен екі ұстаз көз жұмды. Қазір қаскөй түрмеде, ол өмір бойына бас бостандығына айырылуы мүмкін. Дәрігерлер оның шизофренияға бейім екенін айтқан.
