Қоғам 01.12.2022 сағат 11:40

Алматыда келіншек көршісінің үстіне қайнаған су шашып жіберген (ВИДЕО)

Әйел осы жатақханаға бірнеше күн бұрын сәбиімен және әпкесімен көшіп келген.
Алматыда келіншек көршісінің үстіне қайнаған су шашып жіберген (ВИДЕО)
Фото: видеодан скриншот
Бөлісу
Бөлісу
Бөлісу

Әйел жанжал кезінде көршісінің үстіне қайнаған су құйып жіберген. Instagram әлеуметтік желісіндегі Krispi_kazakhstan-парақшасында оқиғаның видеосы пайда болды, деп хабарлайды Tengrinews.kz.

"Алматыда әйел пешті бөлісе алмаған көршісінің үстіне қайнаған су шашып жіберген. Ахтанова 13-үйдегі жатақхана. Қазір әйелге операция керек", - делінген видеоның сипаттамасында.

Зардап шеккен Анар есімді әйелдің айтуынша, оқиға 29 қарашада түнде болған. Ол осы жатақханаға бірнеше күн бұрын сәбиімен және әпкесімен көшіп келген.

"Кеше кешке жұмыстан келдім де ас үйге шай қоюға кірдім. Бізде ас үй ортақ. Әлгі әйел пештің қасында тұрды, мен оған жақындап, сыймағандықтан ыдыстарын жылжытуын өтіндім, пеште тек 2 оттық жұмыс істеді. Мен оған: "Тәте, аздап жылжисыз ба?" дедім. Ол айқайлап, балағаттай бастады, "қайдағы тәте, мен 1991 жылғымын" деп. Мен онымен жанжалдасқан жоқпын. Ол ыстық суды алып, үстіме шаша салды", - дейді жәбірленуші.

Қазір Анар ауруханада жатыр. Өзінің айтуынша, 2-3 дәрежелі күйік алған. Оң аяғы, сол қолы, кеудесі мен іші күйіп қалған. Әйел жалғызбасты ана екенін, күйеуінің апаттан қайтыс болғанын, үйде сәбиі қалғанын айтты. Әйелдің одан әрі емделуге ақшасы жоқ.

Жетісу аудандық Полиция басқармасының мәліметінше, бұл дерек тіркеліп, жергілікті полиция қызметінің қарауында.

"Зардап шеккен әйелдің жарақатының ауырлығын анықтау үшін сот-медициналық сараптама тағайындалды. Одан әрі баға беріліп, шешім шығарылады", - деді Алматы полициясы өкілдері.

Назар аударыңыз, видеода балағат сөздер айтылған!

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар