$ 445.66 € 474.58 ₽ 4.78
Қостанай облысында зейнеткер өгей немересін жауыздықпен өлтірген. 65 жастағы қатігез қария 4 жастағы баланы әжесінен қызғанып, жантүршігерлік қылмыс жасапты, деп хабарлайды Skifnews.kz ақпарат порталы Астана телеарнасына сілтеме жасап.
Қайғылы оқиға Қарасу ауданында наурыздың 17-де болған. Сот залында тараған ақпаратқа сенсек, ол бірге тұрып жатқан әйелдің немересімен оңаша қалған сәтті пайдаланған. Араққа сылқия тойып алып, алдымен аямай ұрып, кейін қырық литрлік ыдыстың ішіндегі суға батырып өлтіріпті. Зейнеткер сотта кінәсін толық мойындады. Іс қылмыстық істер жөніндегі ауданаралық сотта онлайн режимде қаралып, бүгін үкім кесті.
"Сот үкімімен,ол Қылмыстық кодекстің 99 бабы 3-ші бөлімі бойынша кінәлі деп танылды. Ол, өмір бойы педогогикалық қызметтер атқару құқығынан және 20 жылға бас бостандығынан айырылды. Жазасын қауіпсіздігі барынша жоғары түзеу мекемесінде өтейді", - деді Қостанай облыстық соты баспасөз қызметі бөлімінің басшысы Зәуре Едикова.
