Мәдениет & Шоубиз 12.01.2018 сағат 07:43

Саят Медеуов: "Мен депутат болып сайланғанда неше түрлі әңгіме айтылды"

Өткен жылдың сәуір айында жұртшылыққа танымал әнші Саят Медеуов Алматы облысы, Қарасай ауданының №14 округіне Мәслихат депутаты болып сайланған еді деп жазады QAZAQ RADIOSY.

Бөлісу
Бөлісу
Бөлісу

9 айдан бері депутаттық қызметте жүрген әнші тындырымды істері туралы жария еткісі келмеді. Себебі, халықтың сынына қалғысы келмейтін көрінеді.

Сұхбат барысында Саят Медеуов депутаттық мансапқа лайық еместігін тілге тиек етті.

«Бұл менің орным емес, бірақ амалдың жоқтығынан жүрген жайым бар», – дейді әнші.
ҚР еңбек сіңірген қайраткері өзі Қарасай ауданының тұрғыны. Сондықтан, әншіні ел ішіндегі өзекті мәселелерді білетін болғандықтан, осы орынға ұсынған екен.

Алайда, халықтың қаңқу сөзі Саяттың сағын сындырғандай.

«Мен сайланған кезде неше түрлі сөздер болды. "Ақшасы таусылған ғой. Халықты қанайын деген ғой. Халықты жейін деген ғой" - деген сияқты небір әңгімелер болды. Сол кезде мені тағайындаған Махаббат ағаға да хабарласып: «Аға, мені бекер ұсындыңыз ғой», дедім. Сонда ол, досымсың ғой, досым болсаң шыда деп, қысқа қайырды. Амал жоқ, енді шыдап жүрмін. Өзінің қиындықтары бар. Оңай дүние жоқ. Келе салып мынаны қопарып жіберемін деген, ағысқа қарсы жүзгенмен бірдей», – дейді депутат.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар