«Маған келгенде дау болады»: Төреғали өзіне қатысты шуға жауап берді

Төреғали соңғы уақытта шудың ортасында жүргеннен шаршағанын айтты. Ол өзінің әрекеттері қалайша жаңалыққа айналып кететінін түсінбейтінін жеткізді.

«Маған мән бермей-ақ қойса екен. «Қит етсе, хит болады» дегендей, күнде азанда тұрғанда бір жаңалық болып жатады. Оны жасаған болып шығасың. Ол, әдетте, бүкіл адам жасап жүрген тірлік. Маған келгенде ол жаңалық болып кетеді», - деді әнші.

Сондай-ақ, халықтың еркесі секунд сайын сынға ұшырайтынын айтты.

Төреғали Төреәлі осы жетістікке жеткізген Құдай мен ел-жұртының бар екенін де сөз етті.

«Әуелі Құдай, содан соң ел-жұртымыз бар қолдап тұрған. Жақсы десін, жаман десін. Өзегімізден тепсе де, өз еліміз ғой. Елемей, ескерусіз қалғаннан гөрі солай болғаны жақсы», - деді Төреғали.

Әнші бала кезден кино түсіруді армандағанын да айтып өтті.

Естеріңізге сала кетейік, Төреғали Төреәлі жақында ғана «Эйр Астана» ұшағына рұқсатсыз кіріп, шу шығарған еді.

Бұл жағдайдан соң, «Эйр Астананың» үш қызметкері мен Төреғали Төреәліге айыппұл салынған.

Ақтөбеде өткізген концертінде де әнші даудың ортасында қалған.

Одан бөлек, отандық эстрада жұлдызының ел аузында жүрген шуға толы оқиғалары көп деуге болады.