Мәдениет & Шоубиз 13.01.2020 сағат 15:40

«Мойнымда пышақ»: белгілі әнші қарақшының құйтырқылығынан қалай құтылғанын айтты

Мойным, қолым тілінген. Түрім от сөндіргендей. Шок!
«Мойнымда пышақ»: белгілі әнші қарақшының құйтырқылығынан қалай құтылғанын айтты
Фото: pixabay.com
Бөлісу
Бөлісу
Бөлісу

Дәстүрлі әнші Уатхан Заханқызы басынан өткен сұмдық оқиғаны желідегі парақшасына жазып, қазақ бауырларына "Аман жүріңіздер!" деп бір өлімнен қалғанын жеткізді. Әнші жазбасының желісіне үңілсек, ол бір кешті аяқтап, үйіне қайтуға жиналып, көлігін оталдыра бергенде ту сыртынан әлдебір кісі тап берген екен. Бұл туралы Skifnews.kz ақпарат порталы, өнер иесінің instagram парақшасына сілтеме жасап хабарлайды.

"Көрер күнім бар екен-ау!? Бүгін шамамен түнгі 23.30-00:00 кезінде әдеттегідей бір кешті атқарып, көлігіме отырып, қыздыра бастадым. Алматының қақ ортасы.Кенет бір еңгезердей еркектің бейнесін байқадым.Бетінде маска.Асығыс көліктің артқы есігін ашты да, отыра салысымен аузымды басып, тура мойнына пышағын тақағанда денем мұздап кетті.(Алғашында тойдағы әріптестердің қалжыңы шығар деп ойладым). Олай болмады. Бір кезде ол "Көлікті оталдыр, мен айтқан бағытта жүре бер" деді.

Қазақ екен.Келе жатырмыз. Мойнымда пышақ! Алматының елеусіз көшелеріне кіріп, көздерден таса болдық! Бір сайда тұрмыз. "Ал енді қанша ақшаң бар, шығар?!" деді. 

Сумканы өзі алып, көк тиын қалдырмай қалтасына басты. Карточкаларымды да тексеріп үлгерді. Бір кезде қыл арқан мойныма байланып, дем жетпей жатқанын сезіне  бастадым. Сансыз ойлар! Дәм-тұзымның таусылғаны осы шығар дедім! Өмірім көз алдымнан өтіп жатыр. Қорқынышты! 

Бір кезде "мен сені өлтірмеймін деп шештім" деді әлгі құбыжық. 

Жөтеліп жатырмын. Қойш, не керек қалаған бағытында көшелерді кездік. Аттай 5 сағат! Ол жасаған арам істерін сырасын жұтып қойып, масайрап айтып отыр.(Менің еңбектеніп тапқан ақшамды жаратуда). Қолым байлаулы. Әбден жалындым! Алдадым! Соңында мені жіберетін болып шешті. Бір жерден түсіп қалды. Сене алар емеспін! Бірден ІІБ не бет алдым. Мойным, қолым тілінген. Түрім от сөндіргендей. Шок! Бейне бақылау камераларына түспегендіктен, қолында қолғап болғандықтан ештеңе жасай алмайтындарын айтты.

Сөйтіп үйге келдім. Қазақ бауырлар-ау, сонша бір-бірімізге жауға айналғанымыз ба? Қалай жібере салды мені? Қанды қол қарақшының қолынан қандай құдірет аман алып қалды? Сене алар емеспін. Сақ жүріңіздерші! Байқап жүріңіздер! Енді үйіме келген соң, көз жасыма еріксіз жол бердім", - деп дәстүрлі әнші басынан өткен оқиғаны қынжыла жеткізді.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар