«Жемқорлық әрекеттерге араласқан»: Президенттің туысы ұсталды

Садыр Жапаровтың баспасөз хатшысы Ербол Сұлтанбаев Қырғызстан Президентінің туысы ұсталғанын растады, деп хабарлайды Азаттық.

Facebook әлеуметтік желісіндегі парақшасында жариялаған постында Сұлтанбаев құқық қорғау органдары ұстаған Ұлан Жапаров шынымен ел Президентінің туысы екенін жазды.

Ол кедендегі мәселелерге қатысты жемқорлық әрекеттерге араласқан деген күдікпен ұсталды. Бұл хабарды естіген соң Президент Жапаров күдіктілерге қатысты барлық заңды шара қолдануды талап етті, - деп жазды Е. Сұлтанбаев.

Қырғызстан Президенті баспасөз қызметінің жетекшісі Дайырбек Орынбеков Ұлан Жапаровтың жасы 32-екенін, ол Садыр Жапаровтың немере бауырының баласы екенін хабарлады. Оның сөзінше, Ұлан Жапаровты милиция қызметкерлері ұстаған, ол іске жеке кәсіпкерлер мен кеден қызметкерлерінің қатысы бар.

Бішкектің Первомай аудандық сотының баспасөз қызметі Ұлан Жапаровты 26 шілдеге дейін қамауда ұстау туралы сот шешімі 3 шілдеде шаққанын, қазір ол тергеу абақтысында отырғанын хабарлады.