Елімізде күн қайта ысиды

Қазақстандық синоптиктер алдағы үш күнге арналған ауа райы болжамын ұсынды, деп хабарлайды Skifnews.kz ақпарат порталы.

"Қазгидромет" РМК ұсынған мәлімет бойынша, республиканың солтүстігінде, шығысында, орталығында ауа температурасы күндіз +18+25°С-қа дейін бірте-бірте көтерілетін болса, батыста, солтүстік-батыста – + 13 + 23 °С градусқа дейін төмендейді.

Елдің оңтүстігінде, оңтүстік-шығысында негізгі фондық температура +22+30°C, – делінген хабарламада.

Бұл ретте, болжам бойынша, алдағы күндері республиканың басым бөлігінде найзағай ойнап, екпінді жел аралас жаңбыр жауады.

8-9 қыркүйекте солтүстік-батыста, 9 қыркүйекте республиканың солтүстігінде қатты жаңбыр жауады, оңтүстік-шығыстың таулы аймақтарында түнде қар аралас жаңбыр жауады деп болжанды, – деп жазды "Қазгидромет" РМК баспасөз қызметі