Елімізде 24 градусқа дейін күн жылынады - Қазгидромет

Республика бойынша жел күшейеді, түнгі және таңертеңгі уақыттарда тұман болжанады.

Фото: Pixabay

"Қазгидромет" РМК 16-18 қарашада ауа райы қандай болатынына болжам жасады, деп хабарлайды Skifnews.kz ақпарат порталы.

Синоптиктер мәліметінше, алдағы күндері Солтүстік циклонның ықпалымен және атмосфералық фронтальды бөлімдер әсерінен Қазақстанның басым бөлігінде жауын-шашын күтіледі: 18 қарашада еліміздің солтүстік-батысы мен солтүстігінде қатты жауын-шашын жаңбыр мен қар күтіледі. Бірақ қарашада жылы ауа райы сақталады.

Оңтүстік аймақтарда 16-17 қарашада жауын-шашынсыз бұлтты ауа райы және күндізгі температура 19-24 градусқа дейін жоғарылауы болжанады, ал кезеңнің соңында жаңбыр жауады, таулы аймақтарда жауын-шашын (жаңбыр, қар) күтіледі.

Республика бойынша жел күшейеді, түнгі және таңертеңгі уақыттарда тұман болжанады, - делінген хабарламада.