«Пәк қыздар тізімі»: Цифрлық даму министрлігі тексеру қорытындысын жариялады

ҚазҰУ студенттерінің жеке деректерін таратуға қатысты қылмыстық іс қозғалды. Кінәлілер жазаланатын болады, деп Skifnews.kz ақпарат порталы Цифрлық даму министрлігіне сілтеме жасап хабарлайды.

 Министрлік әл-Фараби атындағы ҚазҰУ университетінде дербес деректерді тарату бойынша болған жағдайға қатысты түсініктеме алу үшін ЖОО-ға сұрау салды.

«ЖОО ұсынған жауапқа сәйкес, университетпен шарт негізінде әрекет ететін медициналық ұйымның қызметкері 2024 жылғы 6 ақпанда WhatsApp арқылы флюорографиялық зерттеуден өту үшін студенттер тізімі бар Excel форматындағы құжаттарды жіберген, онда студенттердің ТАӘ-нен басқа, медицина қызметкерінің құпиясына жататын мәліметтер қамтылған. Министрліктің атына жеке деректері тізімде болған азаматтардан өтініштер түскен жоқ», - делінген хабарламада.

Оқи отырыңыз: Алматы университетінде «пәк» қыздардың жеке дерегі тарап кеткен

 Министр «пәк» қыздар тізімінің жайылып кетуіне кім кінәлі екенін айтты

Бүгінгі таңда Алматы қаласының полиция департаменті Қазақстан Республикасының дербес деректер және оларды қорғау туралы заңнамасының талаптарын бұзу бойынша қылмыстық іс қозғады, оның шеңберінде министрлік қызметкерлері маман ретінде тартылды. Оның қорытындысы бойынша университеттің іс-әрекеттері бойынша сараптамалық қорытынды ұсынылды.

Қылмыстық істің қорытындысы бойынша қылмыстық құқық бұзушылық фактілері болмаған жағдайда министрлік әкімшілік жауапкершілікке тарту мәселесін қарайтын болады.