Астанадағы LRT құрылыс алаңында кран құлады

"Астана LRT" желісінің құрылысы кезінде тағы да көтергіш кран құлады, деп хабарлайды Skifnews.kz ақпарат порталы.  

Зардап шеккендер туралы хабарланған жоқ. Оқиға Есіл ауданында "Жыл мезгілдері" тұрғын үй кешені жанындағы Керей Жәнібек хандар мен Қабанбай батыр көшелерінің қиылысында болған. 

ZOOMLION автокөлік краны China Railway Asia-Europe Construction Investment-ке тиесілі. Апаттың алдын-ала себебі – шамадан артық жүктеме. 

Қазіргі таңда бұл дерек бойынша комиссия құрылып, жұмыс істеп жатыр.

Айта кету керек, былтыр қазан айында LRT аумағында кран көлікке құлаған еді.