Жалғас Жұмағұлов грэпплингтен Америка чемпионы атанды

Осы жеңістен кейін отандасымыз қайтадан UFC-ге оралуы мүмкін екендігін айтты.

Фото: UFC©

Қазақстандық Жалғас Жұмағұлов АҚШ-тың Веллингтон қаласында өткен NAGA (Солтүстік Америка грэпплинг ассоциациясы) грэпплинг турнирінде жеңімпаз атанды, деп хабарлайды Skifnews.kz ақпарат порталы.

Финалдық жекпе-жекте American Top Team командасының намысын қорғаған Ж.Жұмағұлов американдық Рэймонд Пэйджден басым түсті. Осылайша қазақстандық спортшы NAGA чепиондық белбеуіне ие болды.

Жалғас Жұмағұлов (16-9) аралас жекпе-жектен соңғы сайысын ақпан айында Naiza FC 57 турнирінде өткізді. Бұл жарыста төрешілердің бірауыздан щешімімен американдық файтер Кливленд Маклинді (17-12) тізе бүктірді.