41 градус ыстық: Cиноптиктер алдағы үш күнге ауа райы болжамын ұсынды

«Қазгидромет» мамандары 30 шілде – 1 тамыз аралығында елімізде ауа райы қалай құбылатынына болжам жасады, деп хабарлайды Skifnews.kz ақпарат порталы.

Батыс антициклонның әсеріне қарамастан солтүстік, шығыс, оңтүстік-шығыс аймақтарда өткінші жаңбыр жауып, найзағай жарқылдайды, жел күшейеді.

Еліміздің қиыр солтүстігінде және оңтүстік-шығыстың тауларында қатты жаңбыр және бұршақ жауады, дауыл тұрады. Ал Сарыарқа даласында және еліміздің оңтүстігіндегі шөлді аудандарда жауын-шашынсыз ауа райы сақталады.

Еліміздің батысында, орталығында, оңтүстігінде және оңтүстік-шығысында күндізгі уақытта қатты ыстық болады.

1 тамызда елдің оңтүстік-шығысында жекелеген аудандарда +41°дейін өте қатты аптап болады деп болжанып отыр.