Доллар екінші күн қатарынан құбылды

Қазақстан қор биржасында (KASE) шетел валюталары бойынша сауда-саттық жабылды, деп хабарлайды Skifnews.kz ақпарат порталы.

Күндізгі сауда-саттық қорытындысы бойынша доллар 0,16 теңгеге арзандап, орташа бағамы 503,05 теңге болды. Ұлттық банктің 2 сәуірдегі ресми бағамы 503,13 теңге деңгейінде белгіленді.

Kurs.kz мәліметіне сәйкес, қазір Алматының ақша айырбастау орындарында доллар орташа есеппен 501,80 теңгеден сатып алынады және 503,89 теңгеден сатылады. Еуро 542,33 – 546,45 теңге аралығында саудаланады.

Елордада доллар 500,57 теңгеден сатып алынады, 506,57 теңгеден сатылады. Еуро бағамы 538,57 - 545,47 теңге аралығында тұр.