Әлі ҚҚС көтерілген жоқ, бірақ халық қымбатшылықты сезе бастады – сарапшы

Қаржы сарапшысы Мақсат Халық қосылған құн салығы жайлы пікір білдірді, деп хабарлайды Skifnews.kz ақпарат порталы.

Қосылған құн салығы жылдың басынан бері талқыланып келе жатқан негізгі тақырыптардың біріне айналды. Сарапшылар да, халық та, кәсіпкерлер де оған қатысты үн қатып, пікірлерін айтып жатыр, - деді ол.

Оның айтуынша, қосылған құн салығы – бұл тікелей салық емес. Салықтың өзі тікелей және жанама салық деп бөлінеді. Тікелей салық – ол жеке табыс салығы. 

Яғни кәсіпкерлерге пайдасына қарай салынатын салық. Ал қосылған құн салығы – ол жанама салық және ең соңғы тұтынушы төлейтін салық. Егер алдағы уақытта қосымша құн салығын 16%-ға өсірсе, онда тауардың бағасы автоматты түрде 4% қымбаттауы мүмкін. Қазірдің өзінде кәсіпкерлер стратегиялық түрғыда шығындарын есептеп, тауарының бағасын қаншалықты көтере алатынын сынап көріп жатыр. Әлі қосылған құн салығы өскен жоқ, бірақ бүгіннің өзінде көптеген тауардың бағасы қымбаттап кетті, - дейді сарапшы.

Экономист Ұлттық банк жариялаған статистикада да инфляция қарқыны үдей бастағанын айтты.

Неге? Өйткені көптеген тауардың бағасы өсті. Оны жаңа айтқанымдай, кәсіпкерлер тәуекелді есептеу үшін бағаны сынақ ретінде көтеріп көріп жатыр. Әлі ҚҚС көтерілген жоқ, бірақ халық қымбатшылықты сезе бастады, - деп айтты ол.