Жаңалықтар 03.08.2017 сағат 06:05

Астанадағы мінәжат орындарының ортақ картасы пайда болады

Елорда әкімдігінде қала әкімінің орынбасары Ермек Аманшаевтің төрағалығымен «Рухани жаңғыру» бағдарламасының жүзеге асуы бойынша жиналыс өтті. Бағдарлама жобаларының бірі - Қазақстан астанасының тарихи-мәдени мұраларын біріктіретін «Киелі Астана» картасы болмақ.

Бөлісу
Бөлісу
Бөлісу

Ермек Аманшаев Астана өлкесінде көне түрік кезеңіне жататын археологиялық нысандар барын айтты. Бұл барлық ескерткіштер «киелі картаға» енуі керек және тарихи-мәдени мұраларды тереңінен зерттеу үшін жұмыс тобы құрылуы тиіс. Оның құрамында біздің ғалымдар, археологтар, тарихшылар, үкіметтік емес және жастар ұйымдарының өкілдері болады.

Елорда әкімінің орынбасарының сөзінше, «Киелі Астана» астана өмірінің бірнеше компоненттерін біріктіреді.

-Киелі карта – бұл бір жағынан, өлке тарихын зерттеудің баға жетпес көзі, екіншіден, өз жеріне, елордасына деген сыйластық пен патриоттық сезімнің қалыптасуына негіз болады. Үшіншіден, туристік кластердің креативті құрамы болуы керек.

Әкімнің орынбасары «Рухани жаңғыру» бағдарламасы бойынша жұмыстарды жандандыру қажеттелігі туралы айтты және бағдарламада көрсетілген барлық бағыттарды жүзеге асыруға бағытталған шараларды белгіледі.

Мұндай шаралардың ішінде «Бозоқ» қалашығына мәдени-ғылыми экспедиция жасау, жас өлкетанушылардың қалалық слеті мен форумы, білім мекемелерінде «Туған жер – рухани жаңғыру» тақырыбында сынып және кураторлық сағаттар өткізу, тағы да басқалар. 

Сонымен қатар жиналыста Астананың жас патриоттар клубы мен қаланың «Рухани жаңғыру» шығармашылық интеллигенциясының кеңесін құру айтылды. Топ құрамында мәдениеттанушылар, тарихшылар, өнер қайраткерлері, археологтар, және қаланың талантты, жасампаз жастары болады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар