$ 447.4 € 477.55 ₽ 4.76
Қазақстанның Халық артисі Мақпал Жүнісова осыдан 2 апта бұрын Түркияға жалғыз қызы Мерей Заманбекпен демалуға шыққан болатын. 54 жасқа толған туған күнінде елге бет алған өнер иесін ұшақ қызметкерлері арнайы құттықтады.
1954 жылдың 11 қаңтарында дүниеге келген қазақтың ерке қызына бортсеріктер тәтті торт тарту етті. Осы сәтті әнші өзінің Instagram-парақшасына бөлісіп, ерекше алғысын білдірді.
“Ұшақта да туған күнді қарсы алып жатқан берекелі бейсенбіде баршаңызға тек жақсылық болсын”, – деп жазды Халық артисі.
Мақпал Мұхамедиярқызы Жүнісова Қарағанды облысы Қарқаралы ауданы Теректі ауылында дүниеге келген.
Мақпал Жүнісова 22 жасында Қазақстанның еңбек сіңірген әртісі, 31 жасында Қазақстанның халық әртісі атанды. 1981 жылы Днепропетровск қаласында өткен бүкілодақтық конкурста гран-при иеленді.
1998 жылы әнші оппозициялық саясаткер Заманбек Нұрқаділовпен некесін қиды.
