$ 449.58  486.94  4.86

Алматыда қайтыс болған екі студенттің өліміне не себеп болғаны анықталды

Алматыда қайтыс болған екі студент көліктің карбюраторын тазартуға арналған сұйықтықтан уланып қалған. Бұл ақпаратты Алматы қоғамдық денсаулықты қорғау департаменті растады деп жазады Sputniknews.kz.

«Абылай хан атындағы Қазақ халықаралық қатынастар және әлем тілдері университеті мен Қазақ Ұлттық аграрлық университетінің студенттері қалалық инфекциялық ауруханаға жеткізілген. Артынша токсикология бөліміне ауыстырған. Алдын ала мәліметтер бойынша, улану көліктің карбюраторын тазартуға арналған сұйықтықты қолданғаннан болған», – деді денсаулық сақтау департаментінің басшысы Айзат Молдағасымова.

Денсаулық сақтау департаментінің мәліметінше, олар сараптама жүргізу үшін полицияның сұранысын күтіп отыр екен.

Айта кетсек, 25 қазан күні алматылық екі студенттің белгісіз себептен көз жұмғандары жайлы ақпарат жарияланған болатын.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары