Жаңалықтар 19.12.2018 сағат 11:41  200

Қызылордада қайын атасын өлтірген келінге сот үкімі шықты

Қызылордада келіні алпыстан асқан қайын атасын өлтірді. Қызылорда облысының қылмыстық істер жөніндегі мамандандырылған ауданаралық соты аталмыш қылмыстық іс бойынша үкім шығарды деп жазады ҚазАқпарат.

Қызылордада қайын атасын өлтірген келінге сот үкімі шықты
Бөлісу
Бөлісу
Бөлісу

Бұл отбасында кикілжің орын алған. Жасы алпыстан асқан қария отбасылық кикілжіңде келінінің бетінен шапалақпен тартып жіберіп, бөлмеден шығып кеткен. Ашуға берілген келін қайын атасынан есе қайтаруға тырысады. Сол ашумен ол кісінің бөлмесіне барады. Бұл сәтте қайын атасы етпетінен ұйықтап жатыр еді. 

«Келіні қайын атасының арқа тұсынан екі мәрте пышақты тығып алады. Сол жақ жауырыны мен омыртқа тұсынан жарақат алған азамат ауруханада көз жұмды», - делінген Қызылорда облысының қылмыстық істер жөніндегі мамандандырылған ауданаралық соты таратқан хабарламада. 

Қызылорда облысының қылмыстық істер жөніндегі мамандандырылған ауданаралық сотының үкімімен сотталушы Б. Қазақстан Республикасы Қылмыстық кодексінің 99-бабының 1-бөлігімен (адам өлтіру) кінәлі деп танылды. Ол 8 жылға бас бостандығынан айырылды. Жазасын қылмыстық-атқару жүйесінің орташа қауіпсіз мекемелерінде өтеу белгіленді. 

Одан басқа сотталушыға жазамен бірге амбулаториялық мәжбүрлеп байқау және психатрда емдеу түрінде медициналық сипаттағы мәжбүрлеу шаралары тағайындалды. 

Оқи отырыңыз

‡àãðóçêà...

Соңғы жаңалықтар