Латын әліпбиіне ауысу тағы 10 жылға созылуы мүмкін

Қазақстанда латын тіліне көшу президенттің жарлығымен белгіленген мерзімнен тағы 10 жылға (кем дегенде 2030-2035 жылдарға дейін) созылуы мүмкін., деп жазады «Известия» газеті Қазақстанның дипломатиялық топтардың бірқатар дереккөздерге сілтеме жасай отырып.

Үкімет жоспарына сәйкес, 2021 жылы ескі кесте жойылып, барлық мемлекеттік органдардың құжаттарын түгелдей латын әліпбиіне көшіру 2024 жылы аяқталады. 2020 жылға дейін латын әліпбиі мектеп бағдарламасына қосылады. 2020-2021 оқу жылында бірінші сынып оқулықтары латын әліпбиіне көшіріледі.

2013 жылы Нұрсұлтан Назарбаев алғаш рет қазақ тілін латын тіліне аудару қажеттілігі туралы идеясын білдіргеннен кейін, кейбір сайттар латын тілінде жаңалықтар жариялауға кірісті. Ол кезде нақты әліпби бекітілмегендіктен әркім өзінше жазып жүрді. Кейбіреуі «Қ» әрпін «Q» деп жазған болса, басқалары «К»әрпіне жоғарғы жақша қойып жүрді. Алфавиттің соңғы нұсқасы өткен жылдың ақпанында ғана бекітілген болатын.

«Латын әліпбиіне көшуден қорқудың қажеті жоқ. Тек қана асықпай, сауатты түрде ауысуымыз қажет. Мені бір ғана мәселе алаңдатады. Бірнеше жылдық тарихы бар кириллицада жазылған кітаптар құндылығын жоғалтып алмайды ма екен?!», - деді саясаткер Төлеутай Рахымбеков.

Қазақстанның дипломатиялық топтарында «Известия» ақпарат көзіне сүйенсек, жеті жыл ішінде (көшуді 2025 жылға дейін ресми түрде аяқтау керек) қазақстандықтарға латын әліпбиін толықтай енгізу өте қиын болады және бұл процесс 10 жылға созылуы мүмкін.