Суда жүзудің денсаулыққа пайдасы қандай?

Спорттық жаттығуларының бәрі де адам денсаулығына пайдалы. Соның ішінде суда жүзу арқылы денсаулықты нығайтып, сырт келбетті де ажарландыра түсуге болады, деп жазады Massaget.kz. 

Сонымен қатар жүзу — адамның өз-өзіне сенімді жүруіне, жұмысқа деген құлшынысты, белсенділікті арттырады. Бүгінгі таңда кез келген жанның суда жүзумен айналысуына мүмкіндік бар. Жүзуді үйренуге деген құлшынысыңыз болғаны мұны тез үйреніп алуға да болады. Себебі, жүзудің денсаулыққа пайдасы өте көп. 

Суда жүзудің пайдасы: 

1. Жүктілік кезеңмен қоса, жүзу буын, омыртқа аурумен ауыратындар үшін өте пайдалы. Суда жүзген адамның бүкіл бұлшықеттері қозғалысқа түсіп, денесі шынығады. Алайда, бұл да жүзудің түріне байланысты. 

2. Суда жүзу жүрек-қан тамырларды ауруларының алдын алып, қан айналымды жақсартады. Себебі, суда жүзген кезде қарын, қол, иық, бөксе жақсы жұмыс істейді. 

3. Адамның тыныс алуын да қалыпқа түсіреді. Себебі, жүзуден көкірек қуысы кеңейіп, тыныс ашылады. 

4. Суда жүзумен қатар, судың ішінде жүрудің де пайдасы зор. Ол үшін суы терең емес бассейнді таңдап, суда жай жүрумен, жүгірумен айналысып көріңіз. 

5. Жүйке-жүйесін айтарлықтай тыныштандырып, күйзеліс жағдайынан тез арылуға көмектеседі. Себебі су адамның барлық джене мүшесіне әсер етіп, оған массаж жасайды әрі босаңсытады. 

6. Суда жүзу ұйқысыздыққа қарсы ең күшті ем. 

7. Бұл спорт түрімен шұғылданған адамсының ағзасы кез келген ауруды жеңіп шыға алады  әрі оны оңай жұқтырмауға қарсы тұра алады. Сонымен қатар мұндайларға ауа-райының бұзылысы да оңайлықпен әсер ете қоймайды. 

8. Суда жүзу арқылы тез арықтауға болады. Себебі суда жүзу кезінде жүгіргеннен де көп калория бөлінеді. 

Есіңізде болсын! 

Барлық спорт түрлері секілді суда жүзудің де өзіне тән зиянды тұстары бар. Ең әуелі  созылмалы жұқпалы аурулармен ауыратын адамдарға және терісі зақымданған жандарға уақытша суда жүзуден бас тартқан дұрыс. Сонымен қатар кардиологиялық аурулармен ауыратындар да әуелі дәрігерімен кеңесіп қана суда жүзуге болады. Оның өзінде қанша уақыт суға түсуге болатынын да біліп алған дұрыс. Мұндай кезде суы жылы бассейнді таңдаған артықтық етпейді. Себебі салқын судан ауру асқынып кетуі мүмкін.