Ақтауда көлік жүргізбек болған балалар жол апатына ұшырады (ВИДЕО)

Ақтауда жол талғамайтын көлікті жүргізбек болған балалар жол-көлік оқиғасының себепкері болды деп хабарлайды Lada.kz.

Басылымның ақпары бойынша, оқиға орнына келіп жеткен тәртіп сақшылары автокөлік ішінде екі баланың отырғанын көрген.

Жеткіншектер құқық қорғаушыларға ата-аналарының телефон нөмірлерін беруден де, оларға өздері қоңырау шалудан да бас тартқан.

Полиция қызметкерлеріне әкімшілік хаттама толтырып, автокөлікті айып тұрағына жеткізуге тура келеді.

Жол-көлік оқиғасы Назарбаев Зияткерлік мектебінің жанында орын алды.

Куәгерлердің айтуынша, балалар көлікпен шамамен 5 шақырым жер жүріп өткен. Содан кейін рөлді игере алмай Daewoo Nexia автокөлігіне соғылған.

Әкімшілік хаттамадан бөлек, жеткіншектер жөнінде қосымша мәліметтер жиналып, қала әкімдігі мен кәмілеттік жасқа толмағандардың құқығын қорғау бойынша комиссияға беріледі.

Дереккөз: NUR.KZ