Алматыда бойжеткенді автобус басып кетті: ол жансақтау бөлімінде жатыр

Алматыда автобус басып кеткен бойжеткен жансақтау бөлімінде жатыр. Оның жағдайын дәрігерлер ауыр деп бағалап отыр, деп хабарлайды ҚазАқпарат агенттігі.

Қалалық қоғамдық денсаулықты қорғау басқармасының баспасөз қызметі хабарлағандай, бойжеткен №7 ауруханаға жеткізілген. 

«Науқас №7 клиникалық ауруханаға жеткізілді. Оң жақ бөксесі мен жіліншігінің еті жыртылып кетіп ауыр жарақат алған. Бойжеткен жан сақтау бөліміне жатқызылды. Жағдайы ауыр деп бағаланып отыр», - деді баспасөз қызметінен. 

Айта кету керек, бұл оқиға бүгін болған. Таңғы 8 шамасында 45 маршрут жүргізушісі Өтеген батыр көшесімен оңтүстік бағытқа бұрыла берген кезінде жаяу жүргіншіні басып кеткен болатын.