Әскери соттар таратылды

 Мемлекет басшысы Қасым-Жомарт Тоқаевтың Жарлығымен Қазақстан Республикасы гарнизондарының бірқатар әскери соттар таратылды, деп хабарлады Хабар 24 - ҚР әскери сотының баспасөз қызметііне сілтеме жасап.

Қазақстан Республикасы Президентінің 2019 жылғы 15 қазандағы Жарлығымен мыналар таратылды: 

Маңғыстау облысы Ақтау гарнизонының әскери соты;

Қарағанды облысы Қарағанды гарнизонының әскери соты; Қостанай облысы Қостанай гарнизонының әскери соты;

Алматы облысы Талдықорған гарнизонының әскери соты; Шығыс Қазақстан облысы Өскемен гарнизонының әскери соты; 

Жарлық заңды күшіне енді. Сонымен қатар, соттылығына қарай: 
Маңғыстау облысы Ақтау гарнизонының әскери соты істері Ақтөбе гарнизоны әскери сотына;

Қарағанды облысы Қарағанды гарнизонының әскери соты және Қостанай облысы Қостанай гарнизонының әскери соты істері  Ақмола гарнизоны әскери сотына;

Алматы облысы Талдықорған гарнизонының әскери соты істері Алматы гарнизоны әскери сотына;

Шығыс Қазақстан облысы Өскемен гарнизонының әскери соты істері Семей гарнизоны әскери сотына қарайды.