Жаңалықтар 30.07.2020 сағат 11:20

Қазақстан мен Татарстан екіжақты сауда-экономикалық ынтымақтастықты жандандырмақ

Жобаны іске асыру 800-ге жуық жұмыс орнын құруға және шиналарға деген өсіп келе жатқан сұранысты қанағаттандыруға, өндірісті оқшаулауға, көрші елдерге экспорттық әлеуетті дамытуға мүмкіндік береді.
Қазақстан мен Татарстан екіжақты сауда-экономикалық ынтымақтастықты жандандырмақ
Бөлісу
Бөлісу
Бөлісу

ҚР Премьер-Министрінің орынбасары Роман Скляр Татарстанға жұмыс бабымен барды. Онда Қазақстан мен Татарстан арасындағы өнеркәсіптік кооперация және инвестициялық ынтымақтастық мәселелері қаралды. Бұл туралы Skifnews.kz ақпарат порталы, Премьер-министр сайтына сілтеме жасап хабарлайды.

Сапар барысында Роман Скляр Татарстан Премьер-Министрі Алексей Песошинмен және «КАМАЗ» ӨАҚ, «Татнефть» ӨАҚ, «Нижнекамскшина» ӨАҚ ірі өнеркәсіптік және қала құраушы кәсіпорындарының басшыларымен екіжақты кездесулер өткізді. Қазақстан Үкіметі басшысының орынбасары өндірістік қуат көздерімен танысып, автомобиль жасау, мұнай-химия өнеркәсібі, сондай-ақ автомобиль және өнеркәсіптік шиналар өндірісі саласында бірлескен өндірістер құру және инвестициялық жобаларды іске асыру мәселелерін талқылады.

Атап айтқанда, «Татнефть» ӨАҚ мен «Аллюр» компаниялар тобы» АҚ арасында Қазақстан Республикасында шина өндірісін ұйымдастыру бойынша жол картасына қол қойылды. Жобаны іске асыру 800-ге жуық жұмыс орнын құруға және шиналарға деген өсіп келе жатқан сұранысты қанағаттандыруға, өндірісті оқшаулауға, көрші елдерге экспорттық әлеуетті дамытуға мүмкіндік береді. Бұл ретте өндірістік қуаты жеңіл техника үшін 3 млн шинаны құрайтындықтан, ұлғайту мүмкіндігін 3,5 млн шинаға дейін арттыруға болады.

Қазақстандық тарап тікелей шетелдік инвестицияларды тарту, отандық өнеркәсіпті дамыту және импортты алмастыру мәселелері ҚР Үкіметі қызметінің басым бағыттары болып табылатынын атап өтті.

Сапар қорытындысы бойынша тараптар екіжақты сауда-экономикалық және инвестициялық ынтымақтастық жобаларын іске асыру жөніндегі жұмысты жандандыруға келісті.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар