$ 449.3  489.69  4.89

Қазақ жүзгіші алғашқылардың бірі болып Ыстықкөлді жүзіп өтті

Бұған дейін ешкім бұлай жүзіп өтпеген болатын.

Токио-2020 Олимпиада ойындарының ашық суда жүзуден лицензиясының иегері қазақстандық жүзгіш Виталий Худяков ең бірінші болып Ыстықкөлді жүзіп өтті. Бұл жаңалықпен спортшы Facebook-тегі парақшасында бөлісті, деп хабарлайды ҚазАқпарат.

«Виталий Худяков Ыстықкөлді Шолпан-Атадан Қажы-Сай жағажайына дейінгі аралықта жүзіп өтті. 56 шақырымға созылған бағдарды жүзіп өтуге 13 сағаттан астам уақыт кетті. Бұған дейін ешкім бұлай жүзіп өтпеген болатын. Спортшы 5 тамыз күні таңғы сағат 5-15-те жүзуді бастап, 18-30-да жүзіп өткен еді», - делінген жазбада.

Виталий Худяков – ашық суда жүзуден Азияның төрт дүркін чемпионы, Жағажайдағы Азия ойындарының үш дүркін чемпионы, әлем чемпионаттарында үздіктер «ондығынан» орын алған. Виталийдің жаттықтырушылары – Евгений Худяков пен Бекен Тасбаев.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары