Жаңалықтар 28.12.2020 сағат 10:00

Желіде полицейлер мен бір топ жігіттің төбелескен ВИДЕОсы пайда болды

Кадрда бірнеше адам тәртіп сақшыларының бірін ұрып жатқанын көруге болады.
Бөлісу
Бөлісу
Бөлісу

Қазақстандық әлеуметтік желілерде патруль полицейлері мен азаматтардың төбелесі түсірілген видео талқыланып жатыр, - деп хабарлайды Tengrinews.kz.

Кадрда бірнеше адам тәртіп сақшыларының бірін ұрып жатқанын көруге болады. Екінші полицей қару алып, оларға орындарынан қозғалмауды бұйырып, әуеге оқ атады.

Желі пайдаланушылары мұны Қазақстанда болған деп болжады. Алайда патруль полицейлеріне шабуыл Бішкекте 27 желтоқсанға қараған түні жасалған.

АКИpress мәліметінше, милиция қызметкерлеріне шабуыл жасады деген күдікпен екі адам ұсталған. Олар - 1990 және 2004 жылы туған азаматтар.

Бішкектің патруль полиция баспасөз қызметіндегілер 27 желтоқсанға қараған түнда Volkswagen Passat көлігі көше қиылысында басқа автолардың қозғалысына кедергі жасап тұрғанын көргенін мәлімдеді. 

Полицейлер көлікті тоқтатып, жүргізушіге жақындаған кезде, жүргізуші мен жолаушыдан алкоголь иісі шығып тұрғанын сезеді. Олар жүргізуші куәлігі мен көліктің құжаттарын сұрағанда, жүргізуші мен жолаушылар талапты орындаудан бас тартқан. Жігіттер мас күйінде былапыт сөз айтып, қарсыласқан.

Кейін кіші сержанттың погонын жұлып, полицейге шабуыл жасаған. Содан соң тәртіп сақшысының бірі ескерту үшін әуеге оқ атқан. 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар