Жаңалықтар 28.12.2020 сағат 14:20

Қытайда жаңа вирустың пайда болғаны рас па?

Хабарламаға сәйкес, қорқынышты аурудың қоздырғышы бананда болады.
Қытайда жаңа вирустың пайда болғаны рас па?
Фото: regnum.ru
Бөлісу
Бөлісу
Бөлісу

Қазнет қолданушылары Синьхуа (Қытай) ауруханасында 23 адамның өліміне себеп болған n7n9 жаңа вирусы туралы ескертуде. Хабарламаға сәйкес, қорқынышты аурудың қоздырғышы бананда болады. Алайда, бұл Ресей мен Украинада жыл басында тараған жалған ақпарат.

«Кеше түнде Синьхуа ауруханасында n7n9 вирусын жұқтырған 23 адам қайтыс болды. Ең үлкені 35-те, ең кішісі бір жаста болған. Олармен байланыста болған дәрігерлер карантинге жатқызылды. Басты арнаның жаңалықтарында бананды, әсіресе оңтүстіктен әкелінген бананды уақытша алмауды өтінді. Бұл хабарламаны өзіңіз алаңдайтын адамдарға, чаттарға жіберіңіз. Таратыңыздар, өтініш. Банан жеуді азайтыңыз!», – делінген хабарламада.

Жыл басында Ресей мен Украинада желі қолданушылары осы мәтінді бір-біріне таратқан. Алайда, N7N9 деген вирус жоқ.

StopFake порталының хабарлауынша, бұл жерде құс тұмауы вирусының штамы жайлы айтылуы мүмкін – H7N9. Ол ауа тамшы жолдарымен беріледі. Аурудың қоздырғышы жемістердің ішінде өмір сүре алатындығы және олар арқылы берілетіні туралы мәліметжоқ. Құс тұмауының ошағы 2013 жылы Нидерланд, Италия, Канада, АҚШ, Мексика және Ұлыбританияда тіркелді. Көп жағдайда инфекция үй құстарынан табылған. Нидерландта бір адам қайтыс болды, басқа жағдайларда ауру конъюнктивит және жоғарғы тыныс жолдарының жеңіл белгілері түрінде өткен.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар