Жаңалықтар 06.01.2021 сағат 13:00

Қыста үсік шалғанда қандай алғашқы медициналық көмек көрсету керек? - маман жауабы

Үсік шалғанда дененің суықтан қорғалмаған бөліктеріне яғни құлаққа, мұрынға, жеткіліксіз қорғалған аяқ-қолға, әсіресе саусақ пен башпайға зақым келеді.
Қыста үсік шалғанда қандай алғашқы медициналық көмек көрсету керек? - маман жауабы
Фото: ашық дереккөзі
Бөлісу
Бөлісу
Бөлісу

Үсік шалған кезде қандай алғашқы медициналық көмек көрсету керек? Санитариялық-эпидемиологиялық бақылау комитетінің мамандары осы сауалға қатысты бірнеше кеңес берді деп жазады KAZ.NUR.KZ.

Мамандардың мәліметінше, үсік шалу – бұл төмен температура әсерінен дене тіндерінің зақымдануы. Үсік шалғанда дененің суықтан қорғалмаған бөліктеріне яғни құлаққа, мұрынға, жеткіліксіз қорғалған аяқ-қолға, әсіресе саусақ пен башпайға зақым келеді. Үсікке жоғары ылғалдылық, аяз, жел кезінде қозғалыссыз жағдай себепші болуы мүмкін. Зардап шегушінің хәлі мас болған жағдайда тіптен қиындай түсуі ықтимал.

Мамандар аяз кезіндегі қатты тоңу, дененің мұздаған бөлігінің шаншуы, жансыздануы және сезгіштіктің жоғалуы секілді белгілерге мұқият назар аудару қажеттігін айтады. "Егер өзіңізді үсік шалса немесе өзге адамды үсік шалған фактіге куә болсаңыз, онда бірінші кезекте зардап шегушіні жылы жерге орналастыру керек. Қатып қалған немесе дымқыл киімді шешіңіз. Үсік шалған адамның денесін қармен немесе шүберекпен сүртпеңіз – бұл теріні зақымдайды.

Үсік шалған жерін ораңыз. Зардап шегушіге ыстық тәтті сусын немесе ыстық тамақ беріңіз. Алкоголь пайдалаңбаңыз! Міндетті түрде емдеу ұйымының медициналық көмегіне жүгініңіз. Үсік шалған жағдайға немқұрайлы қарау соңы мүгедектікке немесе қайғылы жағдайға әкелуі мүмкін!", – дейді мамандар.

Еске салсақ, бұған дейін еліміздің шығысында 40 градусқа дейін аяз күтілетінін хабарлаған едік. 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар