Жаңалықтар 05.04.2021 сағат 22:13

Назарбаев даңғылы тағы да ұзарады

Болжам бойынша қала билігі барлық жұмысты келесі жылы ғана аяқтай алады.
Назарбаев даңғылы тағы да ұзарады
Бөлісу
Бөлісу
Бөлісу

Жоба нұсқалары Алматы қаласының бас жоспарына түзету енгізу жөніндегі жұмыс тобының отырысында таныстырылды. Назарбаев даңғылын Горный Гиганттағы бұрынғы мәдениет үйінің жанындағы алаңға дейін, одан шығысқа қарай Достық даңғылына дейін ұзартудың екі нұсқасы ұсынылды.

Егер бірінші нұсқа іске асса үш қабатты бірнеше үйді, ал екінші нұсқа бойынша қомақты өтемақы төлейтін көптеген жеке ғимаратты бұзуға тура келеді. Қала басшылығы екі жолдың қайсысын таңдайтыны әзірше белгісіз.

Қазір құрылыстың тек бірінші кезеңі — Қажымұқан көшесінен мәдениет үйіне дейінгі жолдың жобасы дайын. Жолды ұзартуға арналған өзге құжаттарды әзірлеу қаржы жетпегендіктен тоқтатылған. Болжам бойынша қала билігі барлық жұмысты келесі жылы ғана аяқтай алады.

Болашақта даңғыл төрт жолақты болады. Жол жиегіне тротуар мен арықтар салынып, жан-жағы жасыл желекпен көмкеріледі.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар