Жаңалықтар 18.05.2021 сағат 16:40

Антикор Түркістан облысы әкімі орынбасарының ұсталғаны жайлы ақпаратқа жауап берді

Бұған дейін әкімдіктегілер Мейіржан Мырзалиевтің облыстық аурухада жатқанын хабарлады
Антикор Түркістан облысы әкімі орынбасарының ұсталғаны жайлы ақпаратқа жауап берді
Фото: azattyq-ruhy.kz
Бөлісу
Бөлісу
Бөлісу

Сыбайлас жемқорлыққа қарсы іс-қимыл агенттігінің баспасөз қызметі әлеуметтік желілерде тараған Түркістан облысы әкімінің орынбасары Мейіржан Мырзалиевтің ұсталғаны туралы ақпаратқа қатысты пікір білдірді деп жазады azattyq-ruhy.kz.

«Мырзалиев ҚР Сыбайлас жемқорлыққа қарсы іс-қимыл агенттігінің өндірісіндегі қылмыстық іс бойынша қорғалуға құқығы бар куәгер ретінде шақырылды. Ол күдікті ретінде танылған жоқ, оған қатысты бұлтартпау шарасы таңдалмады. Өзге ақпарат Қылмыстық іс жүргізу кодексінің 201-бабына сәйкес тергеу мүддесіне сай жарияланбайды», - делінген.

Еске салайық, 17 мамырда бірқатар телеграм-каналда Түркістан облысы әкімінің орынбасары Мейіржан Мырзалиевтың ірі көлемде пара алды деген күдікпен ұсталғаны және үстінен қылмыстық іс қозғалғаны жайлы ақпарат тарады.

Бүгін облыс әкімдігінің баспасөз қызметі әлеуметтік желіде тараған ақпаратқа қатысты жауап беріп, Мейіржан Иябайұлының гипертониялық криз диагнозымен облыстық ауруханалардың бірінде жатқанын хабарлады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар