Жаңалықтар 20.08.2021 сағат 21:09

Сенбі күндері локдаун жеңілдетілуі мүмкін

Коронавирус инфекциясын жұқтырған балалардың 0,2 пайызы ауыр жағдайда.
Сенбі күндері локдаун жеңілдетілуі мүмкін
Фото: ашық дереккөзі
Бөлісу
Бөлісу
Бөлісу

Денсаулық сақтау министрінің орынбасары Ажар Ғиният жыл басынан бері балалар арасында инфекция жұқтыру көрсеткіші бес есеге артқанын мәлімдеді, деп хабарлайды Azattyq Rýhy тілшісі.

«Биыл 49 791 мың бала корнавирус инфекциясын жұқтырды. Олардың ішінде 179-ы жаңа туған сәбилер. 88,8 пайызы емделіп шықты, алайда бір тәуліктің ішінде КВИ жұқтырған балалар арасында 531 жағдай тіркелген. Бүгінде стационарларда 700-ге жуық бала емделіп жатыр. Олардың 0,2 пайызының жағдайы ауыр. Жыл басынан бері балалар арасында инфекция жұқтыру көрсеткіші бес есеге артқан», - деді Ажар Ғиният.

Ал, Денсаулық сақтау министрі Алексей Цой демалыс күндеріндегі локдаун мәселесіне де тоқталып өтті.

«Атамекен» ҰКП бізге демалыс күндеріндегі локдаунды жеңілдету бойынша ұсыныстарын айтты. Алдағы аптада эпидемиологиялық ахуал тұрақты болса, сенбі күнгі локдаунды жеңілдету мәселесін қарастырамыз. Алматыға қатысты айтар болсам, ол жақтағы жағдай күрделі, өлім саны азаймай тұр. Сондықтан, қазіргі талаптардың қатаң болғаны абзал», - деді Алексей Цой.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар