Жаңалықтар 20.08.2021 сағат 20:40

Биыл Қазақстан коронавирусқа қарсы вакцина алуға 95 миллиард теңге жұмсады

Бұл ретте Денсаулық сақтау министрлігі басшысы барлық көрсеткіш пен баға зауыттардың ресми бағасы екенін айтты.
Биыл Қазақстан коронавирусқа қарсы вакцина алуға 95 миллиард теңге жұмсады
Фото: bbc
Бөлісу
Бөлісу
Бөлісу

Денсаулық сақтау министрі Алексей Цой биыл Қазақстан коронавирусқа қарсы вакцина сатып алуға қанша ақша жұмсағанын жариялады, - деп хабарлайды Tengrinews.kz тілшісі.

"Біз қазір жеткізуші компаниялармен құпиялылық (вакциналардың бағасы бойынша. - ескерт.) туралы келісімдер жазылғанын ескере отырып, осы сандарды жариялауға рұқсат сұрадық. Негізінен, біз вакцина құны туралы жалпы сандарды айта аламыз. Биыл иммунизацияға 95,3 миллиард теңге жұмсалды, 10 миллион 890 мың адамға вакцина сатып алынды", - деді министр ОКҚ брифингінде.

Бұл ретте Денсаулық сақтау министрлігі басшысы барлық көрсеткіш пен баға зауыттардың ресми бағасы екенін айтты.

"Жалпы, вакцинаның бірнеше түрі бойынша келісімшартқа отырдық. "Спутник V" вакцинасының 14,2 миллион дозасын, Hayat-Vax - 1 миллион доза, QazVac 2,97 миллион доза және Sinovac 500 мың доза сатып алдық. Қазіргі уақытта 4 миллион доза Sinopharm вакцинасы жеткізілуі керек", - деп қосты Цой.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар