Жаңалықтар 26.07.2022 сағат 14:40

Ақтауда 10-қабаттағы терезеден сыртқа шығып ойнаған балалардың ата-анасы жазаланды

Маңғыстау облысының полиция департаменті қала тұрғындарына балаларды қараусыз қалдырмауын, олардың қауіпсіздігін қамтамасыз етуі керектігін ескертеді.
Ақтауда 10-қабаттағы терезеден сыртқа шығып ойнаған балалардың ата-анасы жазаланды
Фото: ашық дереккөз
Бөлісу
Бөлісу
Бөлісу

Кеше Ақтаудағы «Атакент» тұрғын үй кешенінің 10-қабатында терезеден шығып, ернеуінде жүрген балалардың ата-анасы анықталып, жауапкершілікке тартылды, деп хабарлайды ҚазАқпарат тілшісі. Бұл туралы Маңғыстау облыстық ішкі істер департаментінің баспасөз қызметі мәлім етті.

«Ювеналды полиция дереу пәтерге барды. Осындай жағдайлардың алдын алу мақсатында кәмелетке толмағандармен, сондай-ақ ата-аналармен профилактикалық әңгіме жүргізді. Ата-аналар Әкімшілік құқық бұзу кодексінің 127-бабының 1-бөлігі бойынша жауапкершілікке тартылды» делінген мәлімдемеде.

Маңғыстау облысының полиция департаменті қала тұрғындарына балаларды қараусыз қалдырмауын, олардың қауіпсіздігін қамтамасыз етуі керектігін ескертіп отыр.

Еске сала кетейік, кеше 10-қабаттағы пәтер терезелерінен кіріп-шығып ойнап жүрген 3 қыз бала көшедегі адамдардың көзіне түскенін жазған едік.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар