Шахтинк қаласындағы жылу электр орталығы маңында өрт шықты

Қарағанды облысында ТЭЦ аумағынан өрт шығып, Шахтинск қаласында төтенше оқиға тіркелді, - деп хабарлайды Экспресс К.

Оқыс жағдай туралы бейнежазбаны Newscorr қолданушысы Экспресс К редакциясына жолдады.

"Шахтинк қаласындағы жылу электр орталығы маңында өрт шықты. Қаланы қаратүтін басты. Тұрғындар алаңдаулы", — делінген бейнежазбада.

Қарағанды облыстық төтенше жағдайлар басқармасы аталған оқиғаға қатысты пікір білдірді.

"Шахтинскіде төрт гектар қамыс пен шөп өртеніп кетті. Өрт сағат 11:00 шамасында Индустральная көшесі, 38-мекенжайда шыққан. Өртті ауыздықтауға 42 адам және 11 дана техника жұмылдырылды", — деп хабарлады Қарағанды облыстық ТЖД баспасөз қызметі.