Батыс Қазақстан облысының әкімі Алтай Көлгінов өңірдегі әлеуметтік-экономикалық мәселелерді шешуде жергілікті тұрғындардың ұсыныстарын негізге алатын болады. Ол үшін батысқазақстандықтар әкімдіктің ресми сайтында жүргізіліп жатқан онлайн-сауалнамаға қатысуы тиіс.
Аталған жоба облыс халқының әл-ауқатын жақсартуға бағытталған. Бұл туралы өңір басшысы өзінің Twitter-парақшасында мәлімдеді.
«Құрметті өңір тұрғындары! Биыл алдымызда қыруар жұмыс күтіп тұр. Есептік кездесулерде сіздердің ұсыныстарыңызды ескеріп келеміз. Ұсыныс аясын кеңейту мақсатында онлайн сауалнама жүргіземіз. Белсенді қатысуға шақырамыз», - делінген әкімнің әлеуметтік желідегі парақшасында.
Сауалнама 20 тақырыптан тұрады. Дауыс беруге қатысқан кез-келген БҚО тұрғыны ең бірінші кезекте дамуы тиіс деген 5 тақырыпты белгілейді немесе өз ұсынысын жазбаша қалдыра алады.
«SN.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.
skifnews.kaz@gmail.com
