Әлеумет 10.06.2019 сағат 17:29

Шымкентте әлеуметтік көмек алуға өтініш жыл соңына дейін қабылданады

Шымкент қаласында «Атаулы әлеуметтік көмек» жобасы шеңберіндегі жұмыс қарқынды. Елбасы пәрменімен тағайындалған жәрдемақы әлеуметтік әлсіз топтарға қолдау болды. Қазір өтініш білдірген 25 мың отбасының 23 мыңы алғашқы жәрдемақыға қол жеткізді. Мамандар «Құжат қабылдау ісі жылдың соңына дейін жалғасады» деп отыр.
Шымкентте әлеуметтік көмек алуға өтініш жыл соңына дейін қабылданады
Бөлісу
Бөлісу
Бөлісу

Шымкентте «Атаулы әлеуметтік көмек» алушылардың саны күн санап артуда. Мамандар 39 мыңдай отбасыға түсіндіру жұмыстарын жүргізген. Соның 25 мыңы өтініш білдіріп, 23 мың отбасы көмекке қол жеткізіп үлгерді.

«Негізі, халықта алаңдаушылық басым, ешқандай алаңдауға жол жоқ. Мамандар жұмыс істеп, ақшаларын үлестіріп отыр. Жылдың соңына дейін алады» дейді Шымкент қалалық Жұмыспен қамту және әлеуметтік қорғау басқармасының басшысы Ғалымжан Балтаев.

Тұрғындарға атаулы әлеуметтік көмекті дер кезінде үлестіру үшін мамандар күні-түні жұмыс істеп жүр. Халыққа ыңғайлы қызмет көрсету үшін аудан әкімдіктерінде, халыққа қызмет көрсету орталықтарында қала бойынша 8 жерде жұмыспен қамту орталығының бөлімшелері ашылған. Қабылдау орындарына 150 адамға дейін жұмылдырылған.

Мамандардың мәліметінше, «Атаулы әлеуметтік көмек» тиісті отбасылардың барлығына бірдей тағайындалады. Ал жалақы мөлшері белгеленген сомадан асып кеткендер жәрдемақы алмауы заң шеңберінде қаралған.

«SN.kz»-ақпарат.

Оқи отырыңыз

загрузка...

Соңғы жаңалықтар

Қызықты материалдар