Саясат 24.07.2016 сағат 17:55

Мұхтар Тайжан: «Жер комиссиясының миллиондаған шығынын Ерболат Досаев қалтасынан төлеуі тиіс»

Жер реформасы туралы комиссияның мүшесі, қоғам белсендісі Мұхтар Тайжанның айтуынша, аталған комиссия отырыстары мемлекеттің қалтасына әжептеуір салмақ салып отыр. Мәселен, соңғы Атырауда өткен жиынға қатысқан 25 адамға ең кемі 5 миллион теңге жұмсалды дейді ол. Бұл шығынға ғимараттың жал ақысы, оған қызмет еткен адамдардың ақысын тағы қосыңыз.

Бөлісу
Бөлісу
Бөлісу

Ал, бұған дейін комиссияның тағы 7 отырысы өткен болатын. Әрқайсысына 25 емес, 75-тен мүше қатысыпты. Демек, шығын көлемі де 2-3 есеге көп. Бұл қаражат демеушілердің қалтасынан төленіп жатпағаны белгілі. Сондықтан, әу баста осы комиссияның құрылуына себеп болған экс-министр Ерболат Досаев шығындарды өз қалтасынан жабуы тиіс деп есептейді М.Тайжан. Бұл туралы ол өзінің Facebook-парақшасында мәлімдеді.

«Жер мәселесі бойынша соңғы заң сапасыз болғандықтан халық оған қарсы үн шығарды. Бұл заңның авторы кім болатын? Ерболат Досаев мырза, өзі бұны мойындап сол үшін отставкаға кетті. "Отставка" болғанда қазір мемлекеттік "Байтерек" деген қорын басқарып отыр.

Менің ұсынысым - Жер Комиссияның бюджетін Ерболат Досаевтың жеке мойына іле салып, мемлекеттік жұмысынан алып тастау, болашақта жолатпау керек. Бұндай айыппұл толығымен әділетті болады деп санаймын», - дейді комиссия мүшесі.

Естеріңізге салайық, сәуір мен мамыр айында еліміздің бірнеше қаласында Жер кодексіне қарсы ұйымдастырылған митингтерден кейін Мемлекет басшысы Жер реформасы туралы комиссияны құрған болатын. Аталған комиссия жерді сату мен жалға беру мәселесін қарастыруда.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар