«Экологиялық проблемаларды шешуді мұнан ары кейінге қалдыруға болмайды» – Тоқаев

ҚР Президенті Қасым-Жомарт Тоқаев «ECOJER» халықаралық конгресі қатысушыларына үндеу жолдады. Үндеуді ҚР Президентінің халықаралық ықтымақтастық жөніндегі арнаулы өкілі Ержан Қазыхан оқып берді, деп хабарлайды ҚазАқпарат.

«ECOJER» бірінші экологиялық конгресінің ашылуымен шын жүректен құттықтауымды қабыл алыңыздар. Өздеріңіз де білесіздер, қоршаған ортаны жақсарту Қазақстан үшін басымдық саналады Қазақстан Үкіметі Экономикалық ынтымақтастық және даму ұйымының стандарттарына сай экологиялық заңнаманы үйлестіру және ең үздік жасыл тәжірибені қолдану үшін жүйелі реформалар жүзеге асырып жатыр. Пандемия барлығымызға экономиканың өсуі, азаматтардың әлеуметтік әл-ауқаты және өмірі сапасы сыртқы экологиялық факторлармен бұзылуы мүмкін екендігін көрсетіп берді», - деді Мемлекет басшысы.

Мәселен, ҚР Президентінің атап өтуінше, ауаның нашар сапасы экономика өсімінің баяулауына және Қазақстан ЖІӨ-сінің жыл сайын 1,5-2 пайыз деңгейінде ысырап болуына алып келеді.

«Тұрақты даму концепциясы «экология-экономика-қоғам» үш тағанында үйлесімді өзара іс-қимыл үшін шек бола алады. Экологиялық проблемаларды шешуді мұнан ары кейінге қалдыра беруге болмайды. Жаһандық экологиялық айналым, инновацияның дамуы мен үздіксіз цифрландыру әлемдік нарықты өзгертеді және тұрақты экономикалық өсімді қамтамасыз ету үшін жаңа әдістерді талап етеді. Қазақстан бай экономикалық ресурстармен жолы болған. Бұл біздің активтеріміз екендігі сөзсіз», - деді Қасым-Жомарт Тоқаев.

Мемлекет басшысы Қазақстан барлық тараптың игілігі үшін климаттың өзгеру саласындағы халықаралық ынтымақтастықты белсенді түрде қорғайтындығын баса айтты. Ел Үкіметі парникті газ шығарындыларын төмендету және экономиканы көміртексіздендіру үшін ұзақмерзімді даму стратегиясын әзірлеуді бастағанын атап өтті.