Саясат 07.07.2022 сағат 20:00

Қазақстанда сұйытылған газға шекті баға белгіленді

Жанармай құю станцияларында сұйытылған мұнай газын бөлшек саудада өткізудің шекті бағалары аймаққа байланысты литріне 50 теңгеден 75 теңгеге дейін бектілген
Қазақстанда сұйытылған газға шекті баға белгіленді
Фото: ашық дереккөз
Бөлісу
Бөлісу
Бөлісу

Қазақстанда жанармай құю бекеттерінде көліктерге арналған сұйытылған мұнай газын бөлшек саудада өткізуге уақытша мемлекеттік баға реттеуі енгізілді, - деп хабарлайды Tengrinews.kz.

Жанармай бағасы ҚР Бәсекелестікті қорғау және дамыту агенттігі жариялаған "Қазақстан Республикасының аумағында автогаз құю станцияларында автокөлікке жанармай құю үшін сұйытылған мұнай газын бөлшек саудада өткізуге уақытша мемлекеттік баға реттеуді енгізу туралы" бұйрықта көрсетілген. 

Құжатқа сәйкес, жанармай құю станцияларында сұйытылған мұнай газын бөлшек саудада өткізудің шекті бағалары аймаққа байланысты литріне 50 теңгеден 75 теңгеге дейін бектілген:

  • Нұр-Сұлтан – литріне 70 теңге;
  • Алматы – литріне 65 теңге;
  • Ақтөбе, Атырау, Маңғыстау облыстарында литріне 50-55 теңге;
  • Ақмола, Алматы, Қостанай, Қарағанды, Павлодар, Солтүстік Қазақстан, Жетісу және Ұлытау облыстарында литріне 70-75 теңге;
  • Шығыс Қазақстан, Батыс Қазақстан, Жамбыл, Қызылорда, Түркістан және Абай облыстарында литрі 60-65 теңгеден.

Бұйрық 2022 жылғы 6 шілдеден 2023 жылғы 1 қаңтарға дейін жарамды.

Белгіленген шекті бағадан асып кеткен жағдайда жанар-жағармай құю станцияларына ұйғарым беріліп, орындалмаған жағдайда әкімшілік жауапкершілікке тартылады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар