Бокс: Санжарәлі Бегалиев өзбекстандық қарсыласын жеңіп, екінші алтынды әкелді

Санжарәлі Бегалиев әлем чемпионы атанды, деп хабарлайды Skifnews.kz ақпарат порталы.

Бокстан Черногорияда өтіп жатқан 2024 жылғы жастар арасындағы әлем чемпионатының финалында, 75 кг салмақ дәрежесінде Санжарәлі Бегалиев өзбекстандық Джафарбек Шахбазовпен кездесіп, айқын басымдықпен жеңіске жетті.

Cанжарәлі Бегалиев 75 кг салмақ дәрежесіндегі финалда өзбек боксшысы Джафарбек Шахбазовпен қолғап түйістірді. Бұл жекпе-жекте қазақстандық спортшы қарсыласын айқын басымдықпен жеңді (5:0). Санжарәліге алтын жүлде үшін ұйымдастырушылар тарапынан 8000 доллар (3,9 млн теңге) сыйақы беріледі.

Бегалиев әлем чемпионатындағы алғашқы жекпе-жегінде румыниялық Шуч Иштван Лайошты жеңсе, кейін Болгария боксшысы Хашем Халилден басым түскен еді. Ал ширек финалда кубалық қарсыласы Эбдрю Ардилесті, жартылай финалда польшалық Фабиан Урбанскиді ұтты. Санжарәлі Бегалиев 2022 жылы жасөспірімдер арасындағы Азия чемпионатында алтын медаль жеңіп алса, 2024 жылы жастар арасындағы құрлық додасында топ жарған болатын. 

Айта кетейік, Санжарәлі Бегалиев ел қоржынына екінші алтынды салды.